أحببت زوج أختي

جلال .. ايوه مالها ليلة الدخلة
عفاف .. فاكر ايه اللي حصل بالظبط
جلال .. مش فاهم ايه اللي حصل يعني عريس وعروسة وليلة دخلة الناس كلها عرفة ايه اللي بيحصل في الليلة دي
عفاف .. بس انت حصل معاك حاجة غريبة

جلال .. عفاف اتكلمي علطول انا عفاريت الدنيا بتتنطط قدامي
عفاف .. هقلك .. اول ما جيت تقرب من زينب مش النور قطع فجأة والكشاف اللي مفروض ينور بمجرد ما يقطع النور منورش ومع ذلك زينب اصرت انك تكمل الدخلة وبعدها مباشرة النور جه
جلال .. فعلا حصل . انتي عرفتي ازاي ؟!! هي اكيد حكتلك مش اختك
عفاف .. لا وانت الصادق هي اتفقت معايا ان اول ما اسمع كلمة اه منها انزل سكينة الكهربا وفي نفس الوقت هي عطلت الكشاف اللي في اوضة النوم
جلال .. وانت سمعيتيها ازاي وهي بتقول اه؟!!

عفاف .. كان متصلة بيا قبلها وسايبة الخط مفتوح وانا كنت واقفة في مدخل البيت عند سكينة الكهربا
جلال .. وايه اللي حصل وقتها يعني؟!!
عفاف .. مافيش .. حطت الدم اللي من صباعها اللي كان متعور علي المنديل وبكدا انت صدقت انها عذراء لما دخلت عليها والدليل ان النور انقطع وجه في مسافة قليلة
جلال .. وانا ايه اللي يثبتلي ان كلامك دا صح ومش افتري علي اختك عشان عايزة تخلعيها وتحلي مكانها؟!!
عفاف .. تحب اقلك كل كلمة انتم قلتوها لبعض بالحرف ما انا سمعت كل حاجة ع الفون .. وبعدين مسألتش نفسك اشمعني صباع زينب اتعور ليلة الدخلة بالذات ؟!!

جلال .. اه يا مجرمة .. اما هقتلها مش هطلقها
عفاف .. تستاهل .. حقك
جلال .. وانتي كمان مجرمة عشان شاركتيها في انها تخدعني
عفاف .. صدقني يا حبيبي انا كنت مجبورة علي كدا انت عارف انها اختي الكبيرة وهي اللي مربياني ومتنساش انها قوية ومتسلطة وانا بخاف منها لاني انسانة رقيقة وضعيفة وحنينة .. هو انا مش رقيقة يا جلجل؟
جلال .. سيبيني في حالي دلوقتي يا عفاف
ثم يتركها ويذهب مسرعا
عفاف .. ههههه اشربي يا زينب

جلال ساب عفاف وطلع يجري علي زينب كرامته حرقته اوي لما عفاف قالتله ان زينب مش بنت بنوت وانها كانت بتحب واحد قبله ونامت معاه كمان وانها خدعته ليلة الدخلة بس لما كان عاوز يخونها مع اختها عفاف كرامته ورجولته متحركوش وكان الموضوع عادي جدا بالنسبة له بالعكس كان متحمسلة جامد .. جلال دخل علي زينب وعنيه بتطق شرار
زينب .. مالك يا جلال .. بتبصلي كدا ليه ؟!!
جلال .. اول مرة في حياتي ينضحك عليا من واحدة ست .. طول عمري انا اللي بلف وادور علي كل البنات
زينب .. مش فاهمه انت بتتكلم عن ايه بالظبط؟!!

جلال .. مش فاهمة فعلا .. ولا بتستهبلي عليا … والله عرفتي تقرطسي جلال المصري يا زينب
زينب .. اقرطسك ؟!! يعني ايه ؟!!
جلال .. بقلك متستهبليش انا عرفت كل حاجة ثم يلوي ذراعها .. انتي تضحكي عليا وتقوليلي انك بنت بنوت وانتي كنتي بتحبي قبل ما تعرفيني ونمتي معاه اكتر من مرة
زينب .. اخرص .. انا اشرف منك ومن اهلك كلهم…

جلال .. انتي اشرف من اهلي يا فاجرة يا زبالة وجاية تعمليلي حدوته ليلة الدخلة عشان اشرب المقلب واصدق انك بنت بنوت وفعلا نجحتي وشربت المقلب
زينب .. مقلب ايه ؟!! انا معملتش مقالب فيك
واوعي سيب ايدي بتوجعني
جلال .. دا انا هقتلك انهاردة بس بعد ما اعرف مين اللي كنتي تعرفيه قبلي وفرطي في شرفك معاه
زينب .. بقلك اسكت انا اشرف انسانة عرفتها مين اللي قالك الكلام ده
جلال .. اختك يا حلوه اللي كنتي متفقه معاها عشان تلبسيني العمة
زينب .. عفاف ؟!!
جلال .. ايوه عفاف
زينب .. ازاي عفاف تقول كدا ؟!! دي اكيد اتجننت .. كدابه متصدقهاش دي عاوزة توقع بيني وبينك بعد ما طردتها .. عاوز تنتقم مني وبس عشان يخلالها الجو بعدي وتستفرد بيك
جلال .. كدابة ازاي ؟!!! دي حكتلي كل كلمة دارت بينا في اوضة النوم .. مين قالها ؟!!
زينب .. انا .. انا بحكيلها كل حاجة لانها اختي
جلال .. حكيتلها ولا سمعت من التليفون اللي كنتي سايباه مفتوح عشان تسمع وفي الاخر تنزل سكينة الكهربا في الوقت المناسب تقومي انتي تحطي دم من صباعك علي المنديل وادي شرفي اهوه .. اها .. صباعك اللي اتعور فجأة وبدون مقدمات ليلة الدخلة يا فاجرة .. انا هقتلك انهاردة ويحاول ان يخنقها ولكن فجاة يرن تليفون عفاف رقم غريب جلال يشك في الامر يرغمها ان تحيب وتفتح المايك
زينب بخوف شديد .. الو
المتصل يدعي سامح .. الو .. ايه يا زينب فينك برنلك من الصبح ليه مبترديش عليا
زينب ..انت مين ؟!!
سامح .. لا بقي هتسافل عليكي .. هو انتي مسجلتيش النمرة لما اديتهالك ؟!! انا سامح يا زوزو .. سامح حبيبك .. انتي مالك ؟!! في حد جمبك ؟!! جوزك الاهطل جه من الشغل ولا لسة ؟!! انتي مبترديش ليه .. عارف انك زعلانه مني عشان اخر مرة كنا مع بعض مكنتش في المود ومعحبتكيش زي كل مرة .. انا بعتذر وهعوضك المرة الجاية وهبسطك .. عارف انك بتموتي في النوم معايا اكتر من جوزك الطرطور الاهبل .. الا قليلي هو انتي خلتيه يصدق ازاي انك كنتي عذراء قبل الحواز .. بحب اسمع القصة دي اوي منك .. قولي ضحكيني
زينب .. انت مين يا حيوان
جلال .. هو اللي حيوان ولا انتي اللي خاينة يا بنت الكلب ثم يصفعها بالقلم ويمسك برقبتها ويقوم بخنقها وزينب تشعر بالاختناق وتحاول ان تفك يده عنها ولا تستطيع ثم تتوقف عن المقاومة وفجاة يرن تليفونه المحمول .. جلال يرتعش يظن ان زينب قد ماتت يرد علي المحمول فيفاجأ ان المتصل عفاف
عفاف .. يلا يا جلال انزل بسرعة زينب ماتت في ايدك .. اهرب بسرعة انا مستنياك متخفش ..

تمت